ကလေးငယ်တွေနဲ့ အဆင်ပြေသင့်လျော်သော အကြောဆန့်လေ့ကျင့်ခန်း (၅) ခု

0
210
- Advertisement -

လေ့ကျင့်ခန်းလုပ်ခြင်းအလေ့အကျင့်ကို ကလေးငယ်တွေကြားမှာ တက်ကြွစွာရှိနေစေဖို့ ကူညီပေးနိုင်ပါတယ်။ ဒီကနေ့မှာတော့ ကလေးတွေအတွက် အပြုသဘောဆောင်ပြီး အကျိုးဖြစ်ထွန်းစေမယ့် အကြောဆန့်လေ့ကျင့်ခန်းတစ်ချို့ကို မျှဝေပေးချင်ပါတယ်။ ဆန့်ထုတ်ခြင်းက စိတ်ကို တည်ငြိမ်စေနိုင်ပြီး အာရုံစူးစိုက်မှုကို မြှင့်တင်ပေးနိုင်ပါတယ်။ ဒါ့အပြင် ခန္ဓာကိုယ်အတွင်းပျော့ပြောင်းမှုကိုလည်း တိုးပွားစေပါတယ်။

၁။ ကလေးငယ်ပိုစ့်

ဒီကိုယ်ဟန်အနေအထားကတော့ ကလေးငယ်ကို အပြည့်အဝဆန့်တန်းနိုင်ဖို့ ကူညီပေးပါလိမ့်မယ်။ စိတ်ဖိစီးမှုတွေကို လျှော့ချပေးနိုင်ပြီး ကလေးငယ်ကို သက်တောင့်သက်သာဖြစ်စေဖို့ ကူညီပေးနိုင်ပါတယ်။

  • ယောဂဖျာပေါ်မှာ ဒူးထောက်ပြီး ထိုင်ချလိုက်ပါ၊ ခြေချောင်းတွေကို တစ်ခုနဲ့တစ်ခုထိထားပါ။
  • လက်နှစ်ဖက်ကို ရှေ့ထုတ်ပြီး ဖျာ (သို့) ကြမ်းပြင်ပေါ်ကို နဖူးနဲ့ ထိလိုက်ပါ၊ ခန္ဓာကိုယ်တစ်ခုလုံး ဆန့်တန်းနေပါစေ။
  • တင်ပါးနှင့် ခြေဖနောင့်ထိတဲ့နေရာနားကနေ ခန္ဓာကိုယ်ကို မပြီး ရှေ့တိုးနောက်ဆုတ်လုပ်ပေးပါ။
  • ဒီအနေအထားမှာ ဖြည်းဖြည်းချင်း ရှူသွင်းပြီး ရှုထုတ်ပါ။ စက္ကန့်သုံးဆယ်ကြာ အနားယူသည့်အနေအထားမှာ နေပါ။ ကြမ်းပြင်မှာ ဖုန်မရှိကြောင်း သေချာပါစေ။

၂။ Bow pose

ဒီပို့စ်ရဲ့ သိသာထင်ရှားသော အကျိုးကျေးဇူးတစ်ခုက ကျောရိုးကို ပျော့ပျောင်းစေခြင်းဖြစ်ပါတယ်။ ဒီလေ့ကျင့်ခန်းကို ပုံမှန်လုပ်ပေးမယ်ဆိုရင် လည်ပင်းနှင့် နောက်ကျောမှာရှိတဲ့ တင်းမာမှုတွေကို လျော့ပါးစေပြီး ကြွက်သားတင်းမာမှုကိုသက်သာစေပါတယ်။ သွေးစီးဆင်းမှုကို အားကောင်းစေပြီး ခန္ဓာကိုယ်အပေါ်ပိုင်းကို အားကောင်းစေပါတယ်။

  • လက်နှစ်ဖက်ကို ဘေးတစ်ဖက်တစ်ချက်မှာ ယှဉ်လျက်ချပြီး မှောက်လျက်အိပ်ပါ
  • ခေါင်းကို မော့လိုက်ပြီး အသက်ရှူသွင်းပါ။ ဒူးကို ခေါက်ပြီး ညာဘက်ခြေကျင်းဝတ်ကို ညာလက်နှင့် ဆုပ်ကိုင်ပါ၊ တစ်ဆက်တည်းမှာပဲ ဘယ်ဘက်ခြေကျင်းဝတ်ကိုလည်း ဘယ်ဘက်လက်နဲ့ ဆုပ်ကိုင်ပါ။
  • အသက်ရှုသွင်းပြီး ရင်ဘတ်ကို ဖြည်းညှင်းစွာ မတင်လိုက်ပြီး ခြေကျင်းဝတ်တွေကို လက်ဖြင့် ဆုပ်ကိုင်ထားစဉ် ဒူးတွေကို မြှင့်တင်လိုက်ပါ။
  • ရှုထုတ်ပြီး ရင်ဘတ်နှင့် ခြေဖဝါးတွေကို ဖြည်းဖြည်းချင်း လျှော့ချပါ။ အဆင့်တစ်မူလအနေအထားကို ပြန်သွားပါ။

၃။ Cobra pose

Cobra pose က ခါးနာခြင်းကို သက်သာစေဖို့၊ ဆာလောင်မှုကို ပိုမိုကောင်းမွန်စေပြီး ဝမ်းဗိုက်အဆီတွေကို လျှော့ချရာမှာ ကူညီပေးပါတယ်။ အစာအိမ်နှင့် ကျောရိုးကို သန်မာစေပါတယ်။

  • မှောက်လျက်အနေအထားနဲ့ လှဲလိုက်ပါ
  • လက်နှစ်ဖက်ကို ကြမ်းပြင်ပေါ်မှာ ညင်သာစွာတွန်းပြီး ခန္ဓာကိုယ်ကို အပေါ်သို မြှောက်လိုက်ပါ။ လက်တွေနဲ့ ခန္ဓာကိုယ်ကို ထိန်းထားပါ။
  • ဒီနည်းအတိုင်းပဲ ဦးခေါင်းကို မော့လိုက်ပါ။ ကိုယ်အလေးချိန်ကို လက်ဖဝါးပေါ်တင်ပြီး ခန္ဓာကိုယ်အပေါ်ပိုင်း မတင်ပါ။
  • အနေအထားအတိုင်း ၁၀ စက္ကန့်ကြာ ထိန်းထားပြီး မူလအနေအထားကို ပြန်သွားပါ။

၄။ ခြေချောင်းတွေကို ထိကိုင်၍ ခန္ဓာကိုယ်ကို ဆွဲဆန့်ခြင်း

ဒီလေ့ကျင့်ခန်းမှာတော့ တံကောက်ကြောနှင့် ကျောအောက်ပိုင်းအတွက် ကောင်းမွန်ပါတယ်။ ဒီအရာက တံကောက်ကြောတင်းမာမှုကို သက်သာစေပါတယ်။ ကျောရိုးကို ဆန့်ထုတ်နိုင်ပြီး တင်ပါးရဲ့ ရွေ့လျားမှုကို ပိုမိုကောင်းမွန်စေပါတယ်။

  • ခြေတွေကို ဆန့်ထုတ်ပြီး ထိုင်လိုက်ပါ၊ ခြေထောက်နှစ်ချောင်းက ထိစပ်နေပါစေ။
  • ရှေ့ကို ဖြည်းညင်းစွာကွေးလိုက်ပြီး ခြေချောင်းတွေကို လက်နဲ့ ထိပါ။
  • ဒီအနေအထားအတိုင်း ၁၀-၃၀ စက္ကန့်ကြာ ထိန်းထားပြီး မူလအနေအထားကို ပြန်သွားပါ။
  • လေ့ကျင့်ခန်းနဲ့ အထိအတွေ့မရှိသော ကလေးတွေအနေနဲ့ ခြေထောက်အကွေးလေးမှာပဲ ဒီလေ့အကျင့်ကို လုပ်နိုင်ပါတယ်။

၅။ ခေါင်းပေါ် လက်မောင်းကျော်သော လေ့ကျင့်ခန်း

ဒီရိုးရှင်းသော အကြောက်ဆန့်လေ့ကျင့်ခန်းက ပခုံး၊ လက်၊ ကျောရိုးနှင့် ခန္ဓာကိုယ်တစ်ခုလုံးအတွက် ကောင်းမွန်ပါတယ်။ ဘယ်နေရာမှာမဆို လေ့ကျင့်နိုင်သော လေ့ကျင့်ခန်းတစ်မျိုးလည်းဖြစ်ပါတယ်။

  • ခြေထောက်နှစ်ဖက်ကို ပုံမှန်အကွာအဝေးအတိုင်း တည့်တည့်မတ်မတ်ရပါ။
  • ဖြည်းဖြည်းချင်း လက်နှစ်ဖက်ကို ခေါင်းပေါ်တင်ပါ၊ လက်ဖဝါးကို ဖွင့်ပြီး လက်ချောင်းတွေကို ဆန့်ထုတ်ပါ။
  • လက်မောင်းတွေက နားနှင့် လိုက်လျောညီထွေဖြစ်နေသင့်ပါတယ်။ လက်ဖဝါးတွေကို ဖြန့်ထားပါ။ လက်ချောင်းတွေကို ကားထားပါ။ ပခုံးကြောက်တွေကို ဖြေလျှော့နေချိန်မှာ လက်နှစ်ဖက်ကို တတ်နိုင်သမျှ ဆန့်ထုတ်ပါ။
  • ဒီအနေအထားအတိုင်း ငါးစက္ကန့်အထက် ထိန်းထားပါ။

နောက်ဆုံးအနေနဲ့ လက်တွေကို ဖြေလျှော့ပြီး သက်တောင့်သက်သာဖြစ်စေပါ။

Chit_May_May

Nyein_Thu

ref-momjunction

LEAVE A REPLY

Please enter your comment!
Please enter your name here