ကိုယ်ဝန်ဆောင်ကာလ အဆင့်၅ဆင့်မှာ အမျိုးသမီးတွေ စားသုံးသင့်တဲ့ အစားအစာများ

0
38
- Advertisement -

ကိုယ်ဝန်ဆောင်ချိန်က သင့်ဘဝရဲ့ အပျော်ရွှင်ဆုံးအချိန်တွေထဲမှ တစ်ခုဖြစ်မှာပါ။ ကိုယ့်ရဲ့အဖိုးတန်ကလေးလေးကို လွယ်ထားချိန်မှာ လိုက်လျောညီထွေဖြစ်ဖို့အတွက် ခန္ဓာကိုယ်ဟာ အပြောင်းအလဲများစွာကို ဖြတ်သန်းရပါတယ်။ သင့်ဟော်မုန်းပမာဏက နေရာအနှံဖြစ်ပြီး အလွန်တိကျတဲ့ အရသာအချို့ကို တောင့်တချင်စပြုလာနိုင်ပါတယ်။ သို့သော် ရှုပ်ယှက်ခတ်မှုတွေကြားက သင့်ခန္ဓာကိုယ်အတွက် လိုအပ်တဲ့ လောင်စာပေးဖို့ အရေးကြီးပါတယ်။ ဒီလိုလုပ်ဖို့ အကောင်းဆုံးနည်းလမ်းက သင်နဲ့သင့်ကလေး ကျန်းမာနေဖို့ သင့်ကိုယ်ဝန်ရဲ့ သတ်မှတ်ထားတဲ့ ကာလတွေမှာ တိကျတဲ့ အစားအစာတွေကို စားသုံးပေးခြင်း ဖြစ်ပါတယ်။

ကိုယ်ဝန်ဆောင်ချိန်မှာ ခန္ဓာကိုယ်ရဲ့ လိုအပ်ချက်တွေက ပြောင်းလဲသွားပြီး ပရိုတင်း၊ ဗီတာမင်နဲ့ သတ္တုဓါတ်တွေကို ထပ်လောင်းစားသုံးဖို့ လိုပါလိမ့်မယ်။ ဒုတိယနဲ့ တတိယသုံးလပတ်မှာ နေ့စဉ်ကယ်လိုရီပိုမိုစားသုံးဖို့ လိုအပ်ပါလိမ့်မယ်။ ဒါက သင့်အတွက် အလွန်အကျွံလို့ ထင်ရပေမယ့် ဘေးကင်းပြီး ကျန်းမာသော ကိုယ်ဝန်ရှိဖို့ လိုအပ်တဲ့ အာဟာရအားလုံးကို ရရှိဖို့ အရေးကြီးပါတယ်။

၁။ အဆင့် ၁- အစောပိုင်းရက်သတ္တပတ်များ

ရက်သတ္တပတ်တွေ ကုန်ဆုံးလာတာနှင့်အမျှ သင်နဲ့ သင့်ကလေးငယ်အတွက် အာဟာရအရံအဖြစ် ပါဝင်လာတာကြောင့် ကိုယ်ဝန်ပထမပတ်မှာ သင်ဘာစားလဲဆိုတာကို စောင့်ကြည့်ဖို့ အရေးကြီးပါတယ်။ ဒီအဆင့်မှာ ခန္ဓာကိုယ်က လိုချင်တဲ့ အာဟာရဓါတ်တွေကို ဖြည့်ဆည်းပေးမယ့် အစားအစာတွေကို စားပါ။ ကျောရိုးဖွံ့ဖြိုးမှုကို အထောက်အကူဖြစ်စေတဲ့ ဖောလစ်အက်ဆစ်ကြွယ်ဝသော အစားအစာတွေဖြစ်ရပါမယ်။ ခန္ဓာကိုယ်အတွက် လိုအပ်တဲ့ အစားအစာတွေကို မထိန်းထားနိုင်ရင် ကိုယ်ဝန်ဆောင်ပြီး ရက်သတ္တပတ်အနည်းငယ်အကြာမှာ ဖြစ်တတ်တဲ့ morning sickness က သင့်အား အားနည်းစေပြီး ပြဿနာတွေ ဖြစ်လာစေနိုင်ပါတယ်။ မဂ္ဂနီဆီယမ်ကြွယ်ဝတဲ့ အစိမ်းရောင်အသီးအနှံတွေကို စားသုံးခြင်းက morning sickness ကိုသက်သာစေနိုင်ပါတယ်။

ရက်သတ္တပတ်အနည်းငယ်အတွင်း စားသင့်တဲ့အရာများ

  • အသီးအရွက်များ
  • ပဲတောင့်ရှည်ပဲများ
  • ဘရိုကိုလီ
  • ကြက်ဥ

၂။ အဆင့် ၂ – ရက်သတ္တပတ် ၄ပတ်မှ ၁၂ပတ်အထိ

ဒါကတော့ သင့်ကလေးအတွက် အရေးကြီးတဲ့ ဖွံ့ဖြိုးမှု ရက်သတ္တပတ်တွေ ဖြစ်ပါတယ်။ ရက်သတ္တပတ် ၆ပတ်လောက်မှာ သင့်ကလေးဟာ သွေးနီဥတွေစတင်ဖွဲ့စည်းလာပြီး နှလုံးက သွေးတွေကို စတင်ညှစ်ထုတ်နေပါပြီ။ ဆိုလိုတာက သင့်ရဲ့ နောက်ထပ်အာထရာဆောင်းမှာ ကလေးရဲ့ နှလုံးခုန်သံကို ကြားနိုင်မှာ ဖြစ်ပါတယ်။ ဒါ့အပြင် သံဓါတ်ကြွယ်ဝတဲ့ အစားအစာတွေ စားသုံးခြင်းက ကလေးငယ်အား သူ့ရဲ့အရေးကြီးသော အင်္ဂါ (၃) ပါးဖွဲ့စည်းမှုလုပ်ငန်းစဉ်တစ်လျှောက် ကူညီပေးမှာ ဖြစ်ပါတယ်။ ခန္ဓာကိုယ်က စုပ်ယူရ ပိုလွယ်တာကြောင့် သက်သတ်လွတ်မဟုတ်သော အစားအစာတွေပါရှိတဲ့ သံဓါတ်ကို ပိုနှစ်သက်ပါတယ်။ ဗီတာမင်စီ ကြွယ်ဝတဲ့ လိမ္မော်သီးဖျော်ရည်ကဲ့သို့သော သစ်သီးဖျော်ရည်တွေကို သောက်သုံးပေးနိုင်ပါတယ်။

ပထမသုံးလပတ်အတွင်း စားသောက်ရမယ့် အစားအစာတွေ

  • နို့ထွက်
  • ကြက်ဥ
  • အသား
  • ပင်လယ်စာ

ပထမ သုံးလပတ်ကုန်ဆုံးချိန်မှာ ကလေးရဲ့ ဦးနှောက်က အရှိန်အဟုန်ဖြင့် စတင်ဖွံ့ဖြိုးလာမှာ ဖြစ်ပါတယ်။ ဒါ့ကြောင့် အိုမီဂါ ၃ ဖက်တီးအက်ဆစ်နဲ့ DHA ကြွယ်ဝသော အစားအစာတွေကို စားပါ။ အောက်ပါအစားအစာတွေကို များများစားသုံးခြင်းဖြင့် ဒီလုပ်ငန်းငန်းစဉ်ကို ကူညီနိုင်ပါတယ်။

  • မက်ကရယ်ငါး
  • ဆာဒင်းငါး
  • EPA နဲ့ DHA ကဲ့သို့သော ကိုယ်ဝန်ဆောင် ဗီတာမင် ဖြည့်စွက်ဆေးများ

၃။ အဆင့် ၃ – ရက်သတ္တပတ် ၁၃ပတ်မှ ၂၆ ပတ်အထိ

သင့်ကလေးအတွက် တိုးတက်မှုများစွာ ဖြစ်ပေါ်နေပြီး ကလေးအတွက် လိုအပ်တာတွေကို ဖြည့်ဆည်းပေးဖို့ အာဟာရများစွာ လိုအပ်မှာ ဖြစ်ပါတယ်။ မျက်လုံးအတွက် Beta- carotene နဲ့ DHA ကိုသောက်သုံးဖို့ လိုအပ်ပါတယ်။ ဒါကတော့ ဒီအာဟာရတွေအတွက် သင်အားကိုးနိုင်တဲ့ အစားအစာတစ်ချို့ဖြစ်ပါတယ်။

  • မုန်လာဥနီ
  • ကန်စွန်းဥ
  • ဟင်းနုနွယ်ရွက်
  • ငါးသေတ္တာငါး
  • မက်ကရယ်ငါး

ကယ်လ်စီယမ်က အရိုးသန်မာစေဖို့အတွက် မဖြစ်မနေ လိုအပ်ပါတယ်။

  • နွားနို့
  • တို့ဖူး
  • ဒိန်ချဉ်
  • ချိစ့်

ကယ်လ်စီယမ် စုပ်ယူဖို့ Vitamin D ကြွယ်ဝတဲ့ အစားအစာတွေလည်း စားသုံးပေးရပါမယ်။

DNA ထုတ်လုပ်ခြင်း၊ လုပ်ဆောင်ခြင်းနဲ့ ပြုပြင်ခြင်းအတွက် Zinc ဓါတ်

  • ခရု
  • ပဲ
  • အနီရောင်အသား
  • Whole Grain
  • အခွံမာသီး
  • နို့ထွက်ပစ္စည်းများ

၄။ အဆင့် ၄ – ရက်သတ္တပတ် ၂၉ ပတ်မှ ၄၀ အထိ

ကိုယ်ဝန်ရဲ့ နောက်ဆုံးရက်သတ္တပတ်တွေ နီးကပ်လာတာနှင့်အမျှ ဒီအရာတွေက သင်စုဆောင်းရမယ့်အရာတွေဖြစ်ပါတယ်။

သွေးခဲခြင်းတွေကို သက်သာစေဖို့ Vitamin K

  • ကိုက်လန်
  • အစိမ်းရောင် ဆလတ်ရွက်
  • ဟင်းနုနွယ်ရွက်
  • ဘရိုကိုလီ
  • ပန်းဂေါ်ဖီ
  • ဂေါ်ဖီထုပ်

အရိုးတွေကို သန်မာစေဖို့အတွက် မဂ္ဂနီဆီယမ်နဲ့ ကယ်လ်စီယမ်

  • ထောပတ်သီး
  • ငှက်ပျောသီး
  • ပဲတောင့်ရှည်ပဲများ
  • ရက်စ်ဘယ်ရီသီး
  • ဒိန်ခဲ
  • နို့

အဆုတ်ကျန်းမာရေးအတွက် ဆီလီနီယမ်

  • ဆန်လုံးညို
  • ဘရာဇီးအခွံမာသီး
  • ကြက်ဥ

၅။ အဆင့် ၅- မွေးဖွားပြီးနောက် ပထမရက် သတ္တပတ်အနည်းငယ်

ကလေးမွေးဖွားပြီးနောက် ပထမဆုံးရက်သတ္တပတ်အနည်းငယ်အတွင်း သင်ဘာစားလဲဆိုတာကို စောင့်ကြည့်ဖို့ အရေးကြီးပါတယ်။ ဘာ့ကြောင့်လဲဆိုတော့ သင့်အစားအစာတွေက သင်နို့တိုက်နေချိန်မှာ သင့်ကလေးရဲ့ ကျန်းမာရေးကို တိုက်ရိုက်သက်ရောက်မှု ရှိနေတုန်းပါပဲ။ ဒါ့အပြင် ကျန်းမာသန်စွမ်းနေဖို့လည်း အရေးကြီးပါတယ်။

ရောင်ရမ်းမှုတွေကို လျော့ချဖို့ Copper

  • ဗာဒံစေ့
  • သီဟိုဠ်စေ့
  • နှမ်းစေ့

ကယ်လိုရီများသော အစားအစာတွေက အရေးကြီးကြောင်း မှတ်သားထားပါ။ အမျိုးသမီးတွေ ကိုယ်ဝန်ဆောင်စဉ်မှာ အနည်းဆုံး ကယ်လိုရီ ၃၀၀ ထပ်မံလိုအပ်တာကြောင့် ကိုယ့်ဘာသာ မလျှော့ချပါနဲ့။ အဓိကကတော့ အစားအသောက် ကန့်သတ်တင်းကျပ်တာမျိုး မလုပ်ဘဲ သင့်ကလေးကြီးထွားဖွံ့ဖြိုးဖို့ ကူညီပေးမယ့် အစားအစာတွေ ပါဝင်စေဖို့ သတိထားပါ။ တစ်ခါတလေ ဒိုးနပ်စားချင်စိတ်ရှိလာရင်လည်း စားနိုင်ပါတယ်။ တစ်နေ့တာရဲ့အဆုံးမှာ အရေးကြီးဆုံးက သင်ပျော်ရွှင်ကျန်းမာနေဖို့ပါပဲ။ ကိုယ့်ကိုယ်ကို ဂရုစိုက်ပြီး ကောင်းကောင်းစားဖို့ သေချာပါစေ။

Chit_MayMay

Nandar

Source- momjunction

LEAVE A REPLY

Please enter your comment!
Please enter your name here