ကိုယ်ဝန်ဆောင်မေမေတို့ အလွယ်တကူပြုလုပ်နိုင်တဲ့ လေ့ကျင့်ခန်းများ။

0
69
- Advertisement -

အခုပြောပြပေးခဲ့တဲ့လေ့ကျင့်ခန်းတွေအပြင် ယောဂလည်းကျင့်နိုင်ပြီး ယောဂကျင့်ခြင်းအားဖြင့် စိတ်ကိုကြည်လင်စေပြီး ပူပင်သောကတွေ ကင်းဝေးစေမှာပါ။

လက်ရှိအချိန်မှာကိုယ်ဝန်ဆောင်ထားတဲ့ အနာဂတ်ရဲ့ချစ်မေမေတို့ရေ…။ ကိုယ်ဝန်ဆောင်ကာလဆိုတာ စိတ်ရော၊ လူရော ပင်ပန်းရတာ သိတာပေါ့နော်။ တချို့ဆို အိမ်အလုပ်တွေလည်းလုပ်ရ၊ ဗိုက်ထဲက သားသားမီးမီးတို့ကိုလည်း စိတ်ပူရနဲ့ တော်တော်ပင်ပန်းတာလေ။ ဒါပေမယ့် ကိုယ့်ကျန်းမာရေးကိုလည်း သေချာဂရုစိုက်သင့်တာပေါ့နော်။ အဲ့ဒါကြောင့် ဒီနေ့မှာ ကိုယ်ဝန်ဆောင်မေမေတို့အတွက် အလွယ်တကူပြုလုပ်နိုင်တဲ့ လေ့ကျင့်ခန်းလေးတွေကို မျှဝေပေးချင်လိုက်ပါတယ်။

၁။ လှုပ်လှုပ်ရှားရှားနေထိုင်ခြင်း။

- Advertisement -

အထူးတလည် လုပ်စရာမလိုတဲ့ လေ့ကျင့်ခန်းတစ်ခုပါပဲ။ ဗိုက်ထဲက သားသားမီးမီးတို့ကိုပဲ စိုးရိမ်ပြီး ထသွားထလာတောင် မလုပ်ဘဲ ထိုင်မြဲတိုင်းထိုင်၊ နေမြဲတိုင်းနေနေတာက ကိုယ်ဝန်ဆောင်တစ်ယောက်အတွက် မှန်ကန်တဲ့နည်းလမ်းမဟုတ်ပါဘူး။ ပုံမှန်လုပ်စရာရှိတာတွေထဲကမှ ကိုယ်ဝန်ဆောင်တစ်ယောက်အတွက် ပေါ့ပေါ့ပါးပါးဖြစ်စေမယ့်၊ ဘေးမဖြစ်စေမယ့် အရာလေးတွေကို ပုံမှန်အတိုင်း လုပ်ကိုင်ရင်း လှုပ်လှုပ်ရှားရှားနေကြပါနော်။

၂။ Plie’

ထိုင်ခုံတစ်လုံးရဲ့ဘေးမှာ ပြုလုပ်ရမယ့် လေ့ကျင့်ခန်းပါ။ ချစ်မေမေတို့ရဲ့ ခြေချောင်းလေးတွေနဲ့ ဒူးခေါင်းကို (၄၅) ဒီဂရီလောက်ကွေးပါ။ ပြီးရင် ဗိုက်ကြွက်သားကို ရှေ့ထုတ်ပါ။ နောက်ကျောအနေအထားကို ဖြောင့်ဖြောင့်ထားပြီး ထိုင်ခုံကိုကိုင်၊ ပြီးရင် ဒူးကို ဖြည်းဖြည်းချင်းနဲ့ ကွေးချည်ဆန့်ချည် ပြုလုပ်ပေးပါ။ ဒီလေ့ကျင့်ခန်းက တံကောက်ကြောနဲ့တင်ပါးတို့ကို အားကောင်းစေပြီး ခန္ဓာကိုယ်ရဲ့ဟန်ချက်ကို တိုးတက်စေပါတယ်။

၃။ ပေါင်လေ့ကျင့်ခန်း။

ဒါကလှဲအိပ်ပြီး ပြုလုပ်ရတဲ့လေ့ကျင့်ခန်းပါ။ ခန္ဓာကိုယ်ကို ညာဘက်စောင်းလှဲပြီး ညာဘက်လက်ကို ခေါင်းအုံးသဖွယ်ပြုလုပ်ပေးပါ။ ပြီးရင် ညာဘက်ခြေထောက်ကို (၄၅) ဒီဂရီကွေးထားပြီး ဘယ်ဘက်ခြေထောက်ကို အဖြောင့်ထားပါ။ အဲ့ဒီနောက် တင်ပါးဆုံရိုးနဲ့အတူ ဘယ်ဘက်ခြေထောက်ကို မြောက်ပေးပြီး ချစ်မေမေတို့နိုင်သလောက် တင်ချည်ချချည်ပြုလုပ်ပါ။ ပြီးရင် ဘယ်ဘက်ကိုလှည့်အိပ်ပြီး ညာဘက်ပေါင်အတွက် ဒီနည်းအတိုင်း ပြုလုပ်နိုင်ပါတယ်။ ဒီလေ့ကျင့်ခန်းက ချစ်မေမေတို့ရဲ့ ပေါင်တွင်းအားတွေကို ကောင်းမွန်စေမှာပါ။

၄။ Plank ထောက်ခြင်း။

ဒီလေ့ကျင့်ခန်းကို ပြုလုပ်ဖို့ အရမ်းကြီးအားမပေးပေမယ့် လိုက်လုပ်ချင်တဲ့လူတွေလိုက်လုပ်နိုင်ဖို့ ပြောပြပေးချင်ပါတယ်။ ခန္ဓာကိုယ်ကို မှောက်လျက်သားအနေအထားနဲ့ တံတောင်နှစ်ဖက်နဲ့ထောက်ထားပါ။ ပြီးရင် ခန္ဓာကိုယ်ကို မျဥ်းဖြောင့်အတိုင်းဖြစ်အောင်ထားပါ။ အသက် (၁) ခါရှူစာ၊ (၂) ခါရှူစာကနေ (၅) ခါရှူစာလောက် ကြာမြင့်ချိန်အထိ ပြုလုပ်နိုင်ပါတယ်။ ဒီလေ့ကျင့်ခန်းက ချစ်မေမေတို့ရဲ့ လက်မောင်းနဲ့နောက်ကျောတို့ကို ပိုမိုအားကောင်းစေမှာပါ။

၅။ ဝိတ်လေ့ကျင့်ခန်း။

ထိုင်ခုံတစ်လုံးရဲ့ အစွန်းဖက်မှာ ခန္ဓာကိုယ်ကို မတ်မတ်ထိုင်ပြီး လက်မောင်းနှစ်ဖက်ကို ဘေးကပ်ထားပါ။ ပြီးရင် ချစ်မေမေတို့နိုင်သလောက် ပမာဏအနည်းငယ်သာလေးတဲ့ အလေးတုံးလေးတွေကို လက်နှစ်ဖက်မှာ ကိုင်ထားပြီး တံတောင်ဆစ်အားနဲ့ (၉၀) ဒီဂရီ ‘မ’ချည် ချချည်ပြုလုပ်ပါ။ အဲ့ဒီလိုပြုလုပ်နေချိန်မှာ တံတောင်ဆစ်နှစ်ဖက်ကို ကွေးတာမျိုးမလုပ်ပါနဲ့။ ဒီလေ့ကျင့်ခန်းက ချစ်မေမေတို့ရဲ့ ပခုံးနဲ့လက်မောင်းကြွက်သားတို့ကို အားကောင်းစေမှာပါ။

၆။ လက်မောင်းတစ်ဖက်လေ့ကျင့်ခန်း။

ခုနကထိုင်ခဲ့တဲ့ ထိုင်ခုံပေါ်မှာပဲ လက်တစ်ဖက်ကိုထောက်၊ ဒူးခေါင်းတစ်ဖက်ကိုတင်ပါ။ ကျန်တဲ့လက်တစ်ဖက်မှာလည်း ခုနကအသုံးပြုခဲ့တဲ့ အလေးတုံးသေးသေးလေးကိုမပါ။ နောက်ကျောနဲ့ခါးကိုတစ်တန်းထည်းထားပြီး ကြမ်းပြင်ပေါ်ထောက်ထားတဲ့ ခြေထောက်ကိုလည်း ဖြောင့်ဖြောင့်ထားပါ။ ပြီးရင်တော့ ထုံးစံအတိုင်း အလေးတုံးကိုင်ထားတဲ့လက်ကို မြောက်ချည်ချချည် ပြုလုပ်ပေးပါ။ ပြီးရင် ဘယ်ညာပြောင်းပြီး ပြုလုပ်ပါ။ ဒီလေ့ကျင့်ခန်းက ချစ်မေမေတို့ရဲ့နောက်ကျော၊ လက်မောင်းရှေ့ကြွက်သားနဲ့ လက်မောင်းအနောက်ကြွက်သားတို့ကို ပိုမိုသန်မာစေပါလိမ့်မယ်။

ကိုယ်ဝန်ဆောင်ချစ်မေမေတို့ရေ….။ ကိုယ်ဝန်ဆောင်ကာလမှာ လေ့ကျင့်ခန်းလုပ်ဖို့အတွက် မပျင်းပါနဲ့နော်။ အခုပြောပြပေးခဲ့တဲ့လေ့ကျင့်ခန်းတွေအပြင် ယောဂလည်းကျင့်နိုင်ပြီး ယောဂကျင့်ခြင်းအားဖြင့် စိတ်ကိုကြည်လင်စေပြီး ပူပင်သောကတွေ ကင်းဝေးစေမှာပါ။ ဒါ့အပြင် ကိုယ်ဝန်ဆောင်ကာလမှာ လေ့ကျင့်ခန်းလုပ်တာကြောင့် မီးဖွားတဲ့အချိန်နဲ့မီးဖွားပြီးနောက်ပိုင်းတွေမှာ အလွန်အမင်းနာကျင်တဲ့ဒဏ်တွေကို ရှောင်ရှားနိုင်ပြီး ခန္ဓာကိုယ်အလေးချိန်မြင့်တက်တာမျိုးတွေကိုလည်း မဖြစ်စေနိုင်တာကြောင့် လေ့ကျင့်ခန်းတစ်ခုလောက်တော့ မဖြစ်မနေ လုပ်ကြဖို့ တိုက်တွန်းလိုက်ရပါတယ်ရှင်။

#HM

#ChitMayMay

Source: parents, healthline

LEAVE A REPLY

Please enter your comment!
Please enter your name here