ကလေးသူငယ် အကြမ်းဖက်မှုက ကမ္ဘာတစ်ဝှမ်းမှာ ရှိနေဆဲပါ။ ကလေးတွေဟာ နည်းမျိုးစုံနဲ့ အနိုင်ကျင့် နှိပ်စက်တာ ခံနေရပါတယ်။ ကိုယ်ထိလက်ရောက် နှိပ်စက်ခြင်း(Physical abuse)၊ လျစ်လျူရှုခြင်း (Neglect abuse)၊ စိတ်ပိုင်းဆိုင်ရာနှိပ်စက်ခြင်း (Psychological abuse)၊ လိင်ပိုင်းဆိုင်ရာ အကြမ်းဖက်ခြင်း (sexual abuse) ဆိုပြီး အကြမ်းဖက်မှု နည်းလမ်းအမျိုးမျိုးရှိပါတယ်။ ဒီအကြမ်းဖက်မှုတွေက ကလေးဘဝကို လုံးဝထိခိုက်ပျက်စီးနိုင်ပြီး အနာဂတ်မှာ ပြင်းထန်တဲ့ အကျိုးဆက်များ ကျန်ခဲ့နိုင်ပါတယ်။
ကလေးသူငယ် အကြမ်းဖက်မှုကို တားဆီးကူညီဖို့ မိဘတွေက ကလေးကို အကာအကွယ်ပေးဖို့ နှင့် သံသယဖြစ်ဖွယ် အပြုအမှုတွေကို ခွဲခြားသတ်မှတ်နိုင်ဖို့ လိုအပ်ပါတယ်။ နေရာတကာမှာ အများဆုံးတွေ့ရတဲ့ အကြမ်းဖက်မှုကတော့ ကလေးသူငယ် လိင်ပိုင်းဆိုင်ရာ အကြမ်းဖက်မှု ဖြစ်ပါတယ်။ မိဘတွေအနေနဲ့ ကလေးကို အစောပိုင်းအသက်အရွယ်မှာ လိင်ပိုင်းဆိုင်ရာနှင့် ပတ်သတ်ပြီး အသိပညာပေးထားသင့်ပါတယ်။ ပညာပေးတဲ့အခါမှာ သူတို့အသက်အရွယ်နှင့် သင့်တော်တဲ့ သဘောတရားများကို သင်ကြားပေးဖို့ လိုအပ်ပါတယ်။ မှန်ကန်တဲ့ Knowledge နှင့် မိဘနဲ့ကလေးအကြားက အနီးကပ်ဆက်ဆံရေးကို ထိန်းသိမ်းခြင်းဖြင့် ဒီဆိုးရွားတဲ့ အလေ့အထများကို တားဆီးကူညီပေးနိုင်ပါတယ်။
child abuse (ကလေးသူငယ်အကြမ်းဖက်မှု) ကိုကာကွယ်တားဆီးဖို့ ဘာတွေ သင်ပေးမလဲ?
ယူနီဆက်က ကလေးတွေကို အကြမ်းဖက်မှုမှ ကာကွယ်ရေးအတွက် အခြေခံအကြံပြုချက် ၃ခုကို ထောက်ပံ့ပေးထားပါတယ်။ ကလေးတွေရဲ့ privacy အပေါ်ငြိစွန်းတဲ့ လုပ်ရပ်များကို ရှောင်ရှားဖို့နဲ့ ဖော်ထုတ်ဖိုို့ သင်ပေးရပါမယ်။ ဒီအကြံပြုချက်များကတော့
၁။ တခြားသူတွေနဲ့ ကိုယ့်ရဲ့လှို့ဝှက်အပ်တဲ့အစိတ်အပိုင်းများ(private parts)ကို လေးစားဖို့
အဖွဲ့အစည်းက အလေးပေးဖော်ဆောင်တဲ့ ပထမရှုထောင့်က private parts ကို အသိအမှတ်ပြု လေးစားဖို့ ဖြစ်ပါတယ်။ ဒါ့ကြောင့် ကလေးတွေကို မိမိရဲ့ရင်သား၊ တင်ပါးနဲ့ လိင်အင်္ဂါ စတဲ့ ခန္ဓာကိုယ် အစိတ်အပိုင်း တွေဟာ သီးသန့်ဆန်တဲ့ Private parts တွေ ဖြစ်တာကြောင့် သူတို့ရဲ့ခန္ဓာကိုယ် လျို့ဝှက်အပ်တဲ့အစိတ်အပိုင်းတွေကို မိဘကလွဲရင် ဘယ်သူကမှ မထိတွေ့စေဖို့ ၊ လုံးဝလက်သင့်မခံဖို့ သင်ပေးထားရပါမယ်။
၂။ ကြံရာပါမဖြစ်ဖို့၊ မကောင်းတဲ့ လှို့ဝှက်ချက်တွေကို ထိန်းသိမ်းထားဖို့ မလိုကြောင်း
ယူနီဆက်မှ ဒုတိယအကြံပြုချက်ကတော့ ကလေးတွေကို လှို့ဝှက်ချက် မထားဖို့ သင်ပေးရမှာ ဖြစ်ပါတယ်။ မတော်မတရားပြကျင့်ခံရတဲ့ ကလေးတွေမှာ အဖြစ်များလေ့ရှိတဲ့ အလေ့အထ က ဒီလိုကိစ္စကြုံရတဲ့အခါ ဘာလုပ်ရမှန်း မသိကြပါဘူး။ မိဘတွေအနေနဲ့ ကလေးရဲ့ယုံကြည်မှုကို ရရှိဖို့ လိုအပ်ပြီး ဘာအကြောင်းအရာကိုမှ ဖုံးကွယ်မထားဖို့နဲ့ ဖြစ်သမျှအကြောင်းအကုန်အစင်ကို မိဘ ကိုထုတ်ဖော်ပြောခြင်းကသာ သူတို့အတွက် ဘေးကင်းမှာဖြစ်ကြောင်း ကလေးကို သွန်သင်ပေးထားရပါမယ်။
ဘယ်သူမှမပြောဖို့ ခြိမ်းခြောက်ထားရင်တောင် သူတို့ဟာ မိဘတွေကို ပြောပြဖို့ လိုအပ်ပါတယ်။ သူတို့ရဲ့ လုံခြုံရေးအတွက် အရေးကြီးပါတယ်။
၃။ ယုံကြည်မှုရှိဖို့
နောက်ဆုံးအနေနဲ့ ကလေးတွေဟာ သူတို့ပြောပြဖို့ တစ်ယောက်ယောက်ရှိတယ်ဆိုတဲ့ ယုံကြည်မှုကို ခံစားရဖို့ လိုအပ်ပါတယ်။ ကလေးမှာ သူတို့ရဲ့ပြဿနာတွေနဲ့ ပတ်သတ်ပြီး စကားပြောဆိုနိုင်တဲ့ တစ်ယောက်ယောက် ရှိတယ်ဆိုတာ ခံစားမိဖို့ လိုအပ်ပါတယ်။ ဒီနည်းလမ်းက သူတို့ကို ဘယ်အခြေအနေမျိုးမဆို ဖြေရှင်းဖို့ အထောက်အပံ့ရှိတယ်လို့ ခံစားရစေပါလိမ့်မယ်။
ကလေးအကြမ်းဖက်မှုကို တားဆီးဖို့ တခြားအကြံပြုချက်များ
ဖော်ပြပြီးခဲ့တဲ့အရာတွေအပြင် အန္တရာယ်ရှိတဲ့ အခြေအနေတွေကို ဘယ်လိုတုံ့ပြန်ရမလဲဆိုတာ ကလေးကို သင်ပေးဖို့ ဒီအကြံပြုချက်များကို သုံးနိုင်ပါတယ်။
သူတို့ဆန္ဒမရှိလျှင် သူတို့ကို ဘယ်လူကြီးကမှ ချစ်ခြင်းမေတ္တာပေးပိုင်ခွင့် သို့မဟုတ် သူတို့ကို ချော့မြူ၊ ပွေ့ဖက်ခွင့်မရှိဘူးဆိုတာ သင့်ကလေးကို ပြသပါ။ ဒီလိုဖြစ်ပျက်ခဲ့လျှင်လည်း သူတို့ဟာ မိဘတွေကို ချက်ချင်းပြောပြပါလိမ့်မယ်။
မိသားစုထဲက တစ်ယောက်ယောက်က အကြမ်းဖက်တဲ့အခါ လူကြီးကို ဖွင့်ပြောဖို့ ။ကလေးသူငယ်အကြမ်းဖက်မှုဖြစ်ပွားရတဲ့ ပြစ်မှုအများစုက မိသားစုထဲက တစ်ယောက်ယောက် သို့မဟုတ် ဆွေမျိုးသားချင်း၊ ရင်းနှီးတဲ့ လူတွေထဲက ကျူးလွန်တာလို့ ဆိုကြပါတယ်။ ဒါ့ကြောင့် ကလေးတွေဟာ ဒီလိုကြုံလာခဲ့ရင် ဘယ်လိုပြုမှုရမလဲဆိုတာ သိဖို့ လိုအပ်ပါတယ်။ မူမမှန်တဲ့ အခြေအနေမျိုး ကြုံလာ၊ ခံစားရလျှင် ရှောင်ထွက်သွားဖို့ ကလေးကို သင်ပေးထားရပါမယ်။
သင့်ကလေးကို ယုံကြည်ပါ။ ကလေးဟာ မိဘတွေကို တခုခုပြောပြဖို့ သတ္တိရှိရင် မိဘတွေက သူတို့ကို ယုံကြည်ဖို့်လိုအပ်ပါတယ်။ ဒီလိုမှမဟုတ်ရင် သူတို့ဟာ အကူအညီမဲ့သလို ခံစားရနိုင်ပါတယ်။
သူတို့ကို တစ်ခုခုလုပ်ဖို့ ဖိအားမပေးပါနဲ့။ ကလေးဟာ သူတို့ရဲ့ဆွေမျိုးသားချင်းမဟုတ်ရင်တောင် ဘယ်သူကိုမှ ပွေ့ဖက်၊ နမ်းဖို့ မလိုပါဘူး။
ကလေးတစ်ယောက် အကြမ်းဖက်ခံနေရကြောင်း ညွန်ပြနိုင်တဲ့ လက္ခဏာများ
အကြမ်းဖက်မှု ကိစ္စအတော်များများက ဖြစ်ပျက်ပြီးနောက်မှ တွေ့ရှိရပါတယ်။ ဒါ့ကြောင့် မကောင်းတဲ့ အကျိုးဆက်များကို ရှောင်ရှားဖို့ သင့်ကလေးရဲ့ အပြုအမှုကို အနီးကပ်ဂရုစိုက်ပါ။ ဒီလက္ခဏာတွေ သတိပြုမိလျှင် အခြေအနေကို ပိုပြီးအာရုံစိုက်ပေးပါ။
စိုးရိမ်စိတ်။ ကလေးဟာ အချိန်တိုင်း စိတ်မသက်မသာခံစားရပါတယ်။ သူတို့ဟာ တချို့အခြေအနေတွေကို ဖုံးကွယ်ချင်ကြပါတယ်။
အစားအသောက်နဲ့ အိပ်စက်မှု မူမမှန်တာ။ ကလေးဟာ အစားအသောက် အရင်ကလို မစားလျှင် သို့မဟုတ် အငြိမ်မနေလျှင် ဒါက သူတို့မှာ တစ်ခုခုဖြစ်ပျက်နေတာ ဖြစ်ကောင်းဖြစ်နိုင်ပါတယ်။ သင့်ရဲ့တာဝန်က ဘာဖြစ်နေလဲဆိုတာ ရှာဖွေဖို့ ဖြစ်ပါတယ်။
ကလေးဟာ အသံတိတ်ပြီး တသီးတခြားနေတာ ၊ ပိုပြီးခပ်ခွာခွာနေတာ သတိပြုမိလျှင် တစ်ခုခုဖြစ်ပျက်လားဆိုတာ ရှာဖွေပါ။
အသုံးအနှုန်းတွေ ။ child abuse ခံစားရတဲ့ကလေးဟာ ဂိမ်းတွေ သို့မဟုတ် ရုပ်ပုံရေးဆွဲတာတွေမှာ သူတို့ရဲ့ စိတ်ခံစားမှုကို ပြသနိုင်ပါတယ်။ တခုခုထူးခြားတာ သင်သတိထားမိလျှင် သူတို့ရဲ့ စိတ်ခံစားမှုတွေကိုအနီးကပ်ဂရုစိုက်မှုပေးပါ။
မိဘနဲ့ကလေးအကြား ယုံကြည်မှုက အရမ်းအရေးပါပါတယ်။ ပြီးနောက် လိင်ပိုင်းဆိုင်ရာ နှောက်ယှက်မှုပြဿနာများကို အလွယ်တကူပိုပြီး ရှောင်ရှားနိုင်ပါတယ်။ child abuse ကိုကာကွယ်တားဆီးဖို့နဲ့ ဖော်ထုတ်ဖို့ သူတို့ကို အသိပညာပေးဖို့ လိုအပ်သလို မိဘတွေအနေနဲ့ တစ်ခုခုနှင့်ပတ်သတ်ပြီး ပြောပြလို့ရနိုင်တဲ့ ရင်းနှီးတဲ့သံယောဇဉ်နှောင်ကြိုးလည်း ဖန်တီးသင့်ပါတယ်။
