ဆယ်ကျော်သက်အရွယ် ကလေးတွေရဲ့ အာဟာရ လိုအပ်ချက်တွေက ဘာတွေလဲ?

0
128
- Advertisement -

ကလေးတွေ လူပျို/အပျိုပေါက်အရွယ် စတင်ဝင်ရောက်လာတဲ့အခါ ကိုယ်ခန္ဓာဖွံ့ဖြိုးမှု၊ ရုပ်ပိုင်းဆိုင်ရာ ပြောင်းလဲမှုတွေ ရှိတာကြောင့် ကျန်းမာရေးနှင့် ညီညွတ်ပြီး သင့်တင့်မျှတသော အစားအသောက်များကို ကျွေးဖို့ လိုပါတယ်။ ကျန်းမာရေးနှင့် ညီညွတ်သော အစားအသောက်များကို စားသုံးမှသာလျှင် ဆယ်ကျော်သက်တွေအတွက် လိုအပ်တဲ့ အာဟာရများကို ရရှိမှာဖြစ်ပါတယ်။ ဆယ်ကျော်သက်တွေအတွက် အာဟာရလိုအပ်ချက်တွေက ဘာတွေလဲ?

အပျို/လူပျိုဖော်စဝင်တဲ့အခါ လူတစ်ယောက်ရဲ့ လိင်ပိုင်းဆိုင်ရာရင့်ကျက်မှုကို ရောက်ရှိနိုင်ရန်အတွက် အပြောင်းအလဲတွေ ဖြစ်ပေါ်ပါတယ်။ ကျား/မတစ်ယောက်စီဟာ မတူညီတဲ့ အသက်အရွယ်မှာ အပြောင်းအလဲများကို တွေ့ကြုံရပါတယ်။ ယေဘုယျအားဖြင့် ယောက်ကျားလေးတွေက အသက် ၁၀နှစ်မှ ၁၄နှစ်အရွယ်၊ မိန်းကလေးတွေဟာ အသက် ၈နှစ်မှ ၁၁နှစ်အရွယ်တွင် စတင်ဖွံ့ဖြိုးပါတယ်။

မြီးကောင်ပေါက်အရွယ်ရဲ့ အာဟာရ လိုအပ်ချက်များ

မြီးကောင်ပေါက်အရွယ်မှာ ဖြစ်ပေါ်တဲ့ အပြောင်းအလဲများကို ရင်ဆိုင်ဖို့ သင့်လျော်တဲ့ အာဟာရဓါတ်က အခြေခံကျပါတယ်။ ဆယ်ကျော်သက်တွေရဲ့ အာဟာရလိုအပ်ချက်တွေကို ဖြည့်ဆည်းပေးနိုင်မယ့် အကောင်းဆုံးအစားအစာတွေမှာ အောက်ပါတို့ ပါဝင်သင့်ပါတယ်။

၁။ ကယ်လိုရီ

ကယ်လိုရီက အစားအစာထဲမှာ ပါဝင်တဲ့ စွမ်းအင်ယူနစ်တွေ ဖြစ်ကြပါတယ်။ ကာယလေ့ကျင့်ခန်းပြုလုပ်တဲ့ ဆယ်ကျော်သက်တွေဟာ ကယ်လိုရီပါဝင်တဲ့ အစားအစာတွေ လိုအပ်ပါတယ်။ ကလေးတွေ ဒီအဆင့်ရောက်တဲ့အခါ သူတို့မှာ အများအားဖြင့် activities တွေ ပိုမိုလုပ်ဆောင်ပါတယ်။ ထို့ကြောင့် ကယ်လိုရီတွေကို ပိုမို စားသုံးကြပါတယ်။

ဆယ်ကျော်သက်တွေဟာ ပိုပြီး အထိုင်များလေ့ရှိကြတာကြောင့် အဝလွန်တာကို ရှောင်ရှားဖို့ မိဘတွေက ၎င်းတို့ရဲ့နေထိုင်စားသောက်မှုကို အနီးကပ် စောင့်ကြည့်ရပါမယ်။ ဆယ်ကျော်သက်အရွယ်ကျော်သွားရင် မိန်းကလေးတွေက ယောကျ်ားလေးတွေထက် တစ်နေ့ကို ကယ်လိုရီအနည်းငယ်သာ စားသုံးလေ့ရှိပါတယ်။ ရလဒ်အနေနဲ့ သူတို့စာ ဗီတာမင်နှင့် သတ္တုဓါတ်တချို့ ချို့တဲ့တာကို တွေ့ကြုံခံစားရစေနိုင်ပါတယ်။

၂။ ပရိုတိန်း

အပြည့်အဝဖွံ့ဖြိုးဖို့အတွက် ဆယ်ကျော်သက်များဟာ ပရိုတိန်းဓါတ်တွေ မချို့တဲ့သင့်ပါဘူး။ သူတို့အစာစားတဲ့အခါမှာ စိတ်ကျေနပ်မှု ခံစားရအောင် မကူညီနိုင်ပေမယ့် ခန္ဓာကိုယ်ရဲ့ ကိုယ်တွင်းအင်္ဂါ လုပ်ငန်းဆောင်တာများနဲ့ ခန္ဓာကိုယ်ထုထည် အားကောင်းလာစေဖို့ အထောက်အကူလည်း ဖြစ်ပါတယ်။

ဆယ်ကျော်သက် အားကစားသမား တစ်ယောက်အတွက် စွမ်းဆောင်ရည်က ကြွက်သားအားကောင်းမှုအပေါ်မှာ အမြဲတမ်း မူတည်ပါလိမ့်မယ်။ ဒါကို ပရိုတိန်း ကြွယ်ဝမျှတတဲ့ အစားအသောက်များနှင့်အတူ ရယူနိုင်ပါတယ်။

၃။ ကာဘိုဟိုက်ဒရိတ်

ကာဘိုဟိုက်ဒရိတ်ဟာ ခန္ဓာကိုယ်အတွက် လိုအပ်တဲ့ စွမ်းအင်တွေပေးစွမ်းပါတယ်။ ကာဘိုဟိုက်ဒရိတ်ကို ကစီဓါတ် နဲ့ သကြားတွေမှာ တွေ့ရပြီး ရိုးရိုးကလူးကို့စ်သကြားဖြစ်တဲ့ သူတို့ဟာ ကျွန်တော်တို့ ခန္ဓာကိုယ်မှာ အဓိကလောင်စာဖြစ်လာပါတယ်။ ဆယ်ကျော်သက်တစ်ယောက်ရဲ့ အစားအစာမှာ complex carbohydrate အစားအစာတွေကို ထည့်ကျွေးသင့်ပါတယ်။ complex carbohydrate ကစွမ်းအင်ကို အဆက်မပြတ် ထောက်ပံ့ပေးပါတယ်။ ကာဗိုဟိုက်ဒရိတ်ရိုးရိုးက အကျိုးကျေးဇူး အနည်းငယ်သာ ရရှိတာကြောင့် လျှော့ချသင့်ပါတယ်။

၄။ အဆီ

ဆယ်ကျော်သက်တွေဟာ အဆီ ၃၀% ထက် ပိုစားသောက်ခြင်းကို ရှောင်ကြဉ်သင့်ပါတယ်။ သူတို့က စွမ်းအင်ကို ထောက်ပံ့ပေးပြီး ဗီတာမင် အေ၊ ဒီ၊ အီးနှင့် ကေကို စုပ်ယူပါတယ်။ အဆီ ၃၀% ထက်ပိုပြီး စားသုံးခြင်းက ကိုယ်အလေးချိန်တိုးစေပါတယ်။ အဆီများတဲ့ အစားအစာတွေမှာ သွေးလွှတ်ကြော ပိတ်ဆို့မှုဖြစ်စေသော ဖယောင်း substance ဖြစ်တဲ့ ကိုလက်စထရော ပါဝင်ပါတယ်။ ဆယ်ကျော်သက်တစ်ယောက်ရဲ့ ပုံမှန်အစားအစာမှာ အဆီ (၃)မျိုး ရှိပါတယ်။

Monounsaturated (မပြည့်ဝဆီ)- သူတို့မှာ သံလွင်သီး၊ သံလွင်ဆီ၊ မြေပဲ၊ မြေပဲထောပတ်၊ သစ်ကြားသီးနှင့် ကာနိုလာဆီတို့ပါဝင်ပါတယ်။

Polyunsaturated (မပြည့်ဝဆီ)- ပြောင်းဖူး၊ နေကြာ၊ ပဲပုပ်၊ ဝါဂွမ်းစေ့နှင့် နှမ်းစေ့ဆီတို့မှာ တွေ့နိုင်ပါတယ်။

Saturated (ပြည့်ဝဆီ) ကိုလက်စထရောတွေအများဆုံးပါဝင်ပါတယ်။ သူတို့ကို နို့ထွက်ပစ္စည်း၊ ထောပတ်၊ ဒိန်ခဲ၊ အမဲသား၊ ဝက်သား၊ သိုးသား၊ ကြက်ဥအနှစ်၊ အုန်းဆီနှင့် စားအုန်းဆီတို့မှာ တွေ့နိုင်ပါတယ်။

၅။ သတ္တုဓါတ်

ကယ်လစီယမ်၊ သံဓါတ်နှင့် ဇင့်ဓါတ်ကဲ့သို့သော အထူးအရေးပါတဲ့ သတ္တုဓါတ် (၃)မျိုးရှိပါတယ်။ သူတို့က ကြီးထွားမှုနှင့် တိုက်ရိုက်ဆက်စပ်ပါတယ်။

ထိုကြောင့် အစားအသောက်ထဲမှာ နို့၊ အနီရောင်အသား၊ အခွံမာ၊ ချောကလက်၊ နှမ်းစေ့၊ ကနုကမာ ကဲ့သို့သော သတ္တုဓါတ်ကြွယ်ဝတဲ့ အစားအစာများ ပါဝင်သင့်ပါတယ်။

၆။ ဗီတာမင်

ဆယ်ကျော်သက်ကလေးတွေရဲ့ အာဟာရလိုအပ်ချက်တွေကို ဖြည့်ဆည်းဖို့ ဗီတာမင်တွေစားသုံးခြင်းက အခွင့်အလမ်းဖြစ်သင့်ပါတယ်။ ဗီတာမင်အေဟာ ဆဲလ်ကြီးထွားခြင်း၊ ပိုင်းခြားသိမြင်ခြင်း၊ တစ်ရှိန်ထိုးတတ်ခြင်းနှင့် မျိုးပွားခြင်းဖြစ်စဉ်တွေမှာ ဝင်ရောက်စွက်ဖက်ပါတယ်။ အရိုးကျန်းမာရေးအတွက် ဗီတာမင် D မဖြစ်မနေလိုအပ်ပါတယ်။

ဗီတာမင် B12,B6, riboflavin, niacin, နဲ့ thiamine တို့ဟာ စွမ်းအင်ဇီဝဖြစ်ပျက်မှုမှာ ပါဝင်ပါတယ်။ ၎င်းတို့သည် အမိုင်နိုအက်ဆစ်တွေရဲ့ ဇီဝဖြစ်ပျက်မှုနှင့် erythrocytes ရင့်ကျက်ခြင်းတို့မှာ ပါဝင်ပါတယ်။
ဒီအာဟာရဆိုင်ရာ အချက်အလက်တွေအားလုံးကို ထည့်သွင်းစဉ်းစားခြင်းက အာဟာရမျှတစေဖို့နှင့် ဖြစ်နိုင်ချေရှိတဲ့ ကျန်းမာရေး ပြဿနာများကို ကာကွယ်ဖို့ ကူညီပါလိမ့်မယ်။

Chit_MayMay

LM_Nandar

Source- youaremom

LEAVE A REPLY

Please enter your comment!
Please enter your name here